淘寶今時今日真係越嚟越普及，依家好多商店跨境運費都可以包郵自取。撞正一啲節日推廣，仲成日有額外減價優惠，買返一啲日常用嘅消耗品真係非常之抵！今篇文章我哋就帶大家睇吓，究竟淘寶用咩信用卡可以賺到最高嘅消費回贈。
依家用各種不同嘅支付方式，就算用親生仔支付寶都有一個支付嘅手續費。同埋依家用信用卡付款好多時都係要連AlipayHK使用 (直接入卡號會有高手續費)，一連電子錢包好多信用卡都即刻無左回贈。雖然你買得唔多嗰陣，嗰幾蚊就豪俾佢啦！話雖如此，但都想比多大家一個選擇點樣用信用卡淘寶先係最抵！現時一般都係話你知用啲高回贈嘅網購卡減咗個手續費就可以有可觀回贈。比較少人講而蛋黃嘅淘寶繳付方式：云閃付！
淘寶信用卡一覽表 – 2026
| 信用卡 | 淘寶付款重點 | 適合邊類人 |
|---|---|---|
| 中銀淘寶 World 萬事達卡 | 0% 淘寶購物手續費；海外網購豁免外幣手續費 | 經常淘寶、想慳手續費 |
| AEON WAKUWAKU | 淨回贈約 4.5% | 想賺現金回贈、簽賬唔算多 |
| 恒生 MMPower World 萬事達卡 | 淨回贈約 4%；每月需登記並累積合資格簽賬滿 HK$3,000 | 想直接刷卡、簽賬較大 |
| 安信 WeWa (限時) | 淘寶等指定網購平台高達 10% 現金回贈（未計手續費；需登記；額外回贈上限 HK$300） | 限時推廣賺高回贈 |
| A. Point Card | 經 AlipayHK 在淘寶及拼多多消費，最高 20 倍 A. Point | 想儲 A. Point |
| 滙豐 Pulse 銀聯雙幣鑽石卡 | 賞世界額外2%回贈 | 經云閃付付款、有人民幣 |
推薦使用銀聯信用卡配雲閃付作簽賬
云閃付付款要注意：要經過淘寶手機App俾錢，同埋你有裝云閃付App
咁云閃付綁咩卡最抵？滙豐Pulse銀聯雙幣鑽石信用卡 (賞世界，2%獎賞錢回贈) / EareMORE都可以有回贈！用Pulse銀聯雙幣付款，會直接扣人民幣，此方法付款唯一嘅手續費就係你自己找人民幣條數嗰陣要做一個兌換，匯率，或者如果你有人仔直接找數就得。EarnMORE就直接用港幣結算。
云閃付嘅位置係有少少隱蔽的，有時要按『支付宝』(大陸)先會出現的，見唔到唔緊要，慢慢搵下。再見唔到嘅話就睇返你有冇裝好云閃付App，同埋係咪經淘寶手機App俾錢。
除左以上嘅卡，究竟有無其他卡選擇？初初稔東亞銀聯鑽石可能有高回贈，不過東亞任何超市簽賬(淘寶分類是超市)都唔會有獎分，其他大部分卡就寫左只限二維碼交易。所以大家不用試了。大家仲稔唔稔到有無乜好選擇？歡迎話比大家知！
大路淘寶信用卡推薦 你又有無？
AEON WAKUWAKU CARD
簡介：雖然要經AlipayHK，但認可左淘寶可有網購嘅6%現金回贈，扣除1.5%手續費，淨得4.5%回贈。以回贈6%計，每個月回贈上限為$300，約可簽賬 $3,571。如果無玩開HSBC Guru又碌唔得多，咁WAKUWAKU絕對係低門檻無下限嘅淘寶最佳選擇信用卡。👉開WAKUWAKU迎新優惠
恒生 MMPower：直接刷卡淨賺約 4%
👉恒生 MMPower World 萬事達卡網購及指定商戶簽賬最高可享 8% +FUN Dollars。根據實測，直接用信用卡於淘寶付款，手續費約 4% (淘寶收 3% 加上以港幣結賬時卡組織額外收 1%)，所以 8% 回贈扣除手續費後，淨回贈約 4%。
- 每月門檻：每月累積合資格簽賬滿 HK$3,000,先可以享高達 8% +FUN Dollars。
- 留意：回贈以 +FUN Dollars 形式發放，以直接用信用卡付款為準。
安信 WeWa：淘寶網購限時高達 10% 現金回贈
👉安信 WeWa 推出「網購高達 10% 現金回贈」限時推廣，指定網購平台包括淘寶、拼多多、小紅書、京東及 Amazon，推廣期2026 年 10 月 1 日至 11 月 30 日。
- 要先登記：成功登記後先享高達 10% 現金回贈。
- 上限：整個推廣期內,每位客戶可獲嘅額外現金回贈上限為 HK$300
- WeWa 官方推廣頁面同條款及細則。
中銀淘寶World萬事達卡
簡介：中銀淘寶卡專係為淘寶而設，所以相關簽賬一律唔洗手續費。無次數限制無上限。除左淘寶之外，其他所以外幣簽賬都免左1.95%手續費。官網詳情。
渣打A. Point Card(前稱Q Credit Card)
簡介：經 AlipayHK 在淘寶及拼多多消費，最高可賺 20 倍 A. Point(A. Point 簽賬獎賞推廣期至 2026 年 11 月 30 日)；全新客戶透過 AlipayHK App 申請並獲批核，可獲 HK$200 禮券(推廣期至 2026 年 12 月 31 日)。詳情見渣打官網。
淘寶信用卡常見問題
淘寶用咩信用卡最抵?
以手續費計，中銀淘寶 World 萬事達卡經 AlipayHK 付款有 0% 淘寶購物手續費；以回贈計，AEON WAKUWAKU 網購最高 6%，扣除手續費後淨回贈約 4.5%。直接刷卡嘅話，恒生 MMPower 8% 回贈扣除約 4% 手續費，淨賺約 4%。揀邊張視乎你每月淘寶簽賬額同想慳手續費定賺回贈。
淘寶信用卡有冇手續費?
有。淘寶或 AlipayHK 會收交易手續費,銀行另外收外幣手續費(一般約 1.95%)。中銀淘寶卡係少數列明淘寶購物 0% 手續費嘅卡。實際費用以付款頁顯示為準。
云閃付可以點樣用淘寶付款?
要經淘寶手機 App 付款，安裝云閃付 App，付款時揀「支付宝」後會見到云閃付選項，綁定銀聯信用卡即可。
用信用卡經 AlipayHK 付款有冇回贈?
視乎信用卡條款。部分卡會將 AlipayHK 增值視為電子錢包交易而冇回贈,部分卡(例如 AEON WAKUWAKU、A. Point Card)有指定淘寶或 AlipayHK 優惠。申請前要睇清條款。
📝歡迎大家訂閱蛋黃視野Patreon、Facebook或者加入免費TG頻道討論！
借定唔借？還得到先好借！借錢梗要還，咪俾錢中介。
本網盡量確保以上資料準確，若任何資料與你到訪的金融機構、服務供應商或特定產品網站有所出入，所有金融產品和服務均以金融機構的版本為準，使用該服務前請參閱相關金融機構網站的最更新版本之產品資訊及條款細則。如資料有誤，歡迎指正。
本文件中如有類似前瞻性陳述之內容，此等內容或陳述不得視為對任何將來表現之保證，且應注意實際情況或發展可能與該等陳述有重大落差。
*** Last Updated on 13/10/2026 by 蛋黃視野 ***
我選左云閃付但係唔俾我用信用卡, 寫住此交易只支持借記卡….
個別商戶係唔比用信用卡支付~
中信大灣區銀聯卡用雲閃付有4%, 估計用於淘寶都有4%？
合資格雲閃付 APP 流動支付包括以商戶掃描付款模式交易之雲閃付 APP 流動支付。為免生疑，在雲閃付 APP 以用戶掃描商戶碼模式支付、支付交通費用支付或電子商務/網上簽賬均不視爲合資格簽賬。
似乎唔符合T&C，但實質有無我就唔知了!